தமிழக சட்டசபை இன்று மீண்டும் கூடுகிறது. அரசு துறைகளின் மானிய கோரிக்கைகள் (Demand for Grants) மீதான விவாதம் இன்று முதல் தொடங்குகிறது.
தமிழக வெற்றிக் கழகம் ஆட்சிக்கு வந்த பின் நடைபெறும் முதல் பட்ஜெட் கூட்டத் தொடர் ஆகஸ்ட் 5-ஆம் தேதி தொடங்கியது. அன்றே 2026–27 ஆம் ஆண்டுக்கான பொது பட்ஜெட்டை நிதி அமைச்சர் மரியவில்சன் தாக்கல் செய்தார்; மறுநாள் காலை வேளாண் பட்ஜெட்டை வேளாண் துறை அமைச்சர் வினோத் தாக்கல் செய்தார்.
ஆகஸ்ட் 7 முதல் 11 வரை இரு பட்ஜெட்டுகளிலும் விவாதம் நடந்தது. தேர்தல் வாக்குறுதிகள் பட்ஜெட்டில் இடம்பெறவில்லை உள்ளிட்ட குற்றச்சாட்டுகளை எதிர்க்கட்சிகள் முன்வைத்தன. ஆகஸ்ட் 12-ஆம் தேதி அமைச்சர்கள் மரியவில்சன் மற்றும் வினோத் அவற்றுக்கு பதிலளித்தனர்.
ஆகஸ்ட் 13 முதல் நேற்று வரை அரசு விடுமுறை உள்ளிட்ட காரணங்களால் சட்டசபை நடைபெறவில்லை. நான்கு நாள் இடைவெளிக்குப் பிறகு இன்று மீண்டும் கூட்டம் நடைபெறுகிறது.
இன்றைய தினம் வருவாய் மற்றும் பேரிடர் மேலாண்மைத் துறை, மருத்துவம் மற்றும் மக்கள் நல்வாழ்வுத் துறை ஆகியவற்றின் மானிய கோரிக்கைகள் விவாதிக்கப்பட உள்ளன. ஆளும்கட்சி மற்றும் எதிர்க்கட்சி எம்.எல்.ஏ.க்கள் பேசுவதற்குப் பிறகு, அமைச்சர்கள் செங்கோட்டையன் மற்றும் அருண்ராஜ் விவாதத்திற்கு பதிலளித்து துறைகளின் முக்கிய அறிவிப்புகளை வெளியிட உள்ளனர். மேலும், ஏற்கனவே அறிவிக்கப்பட்டபடி மாற்றுத் திறனாளிகள் துறை தொடர்பான கோப்புகளை சமூக நலத்துறை அமைச்சர் ஜெகதீஸ்வரி கவனிப்பதும், நகராட்சி நிர்வாகம் மற்றும் குடிநீர் வழங்கல் துறை கோப்புகளை பள்ளிக் கல்வித்துறை அமைச்சர் ராஜ்மோகன் கவனிப்பதும் காரணமாக, அந்தத் துறைகளின் மானிய கோரிக்கை விவாதங்களில் அவர்களும் பதிலளிக்கும் வாய்ப்பு இருப்பதாக தெரிவிக்கப்படுகிறது.
