தென் மாநில முதல்வர்கள் மாநாட்டில் பங்கேற்க மத்திய உள்துறை அமைச்சர் அமித் ஷா இன்று தமிழகம் வர உள்ளார்.
மத்திய உள்துறை அமைச்சகம் ஏற்பாடு செய்துள்ள இந்த மாநாடு, மாமல்லபுரம் அருகே கோவளத்தில் உள்ள தனியார் நட்சத்திர விடுதியில் நாளை நடைபெறுகிறது. இதில் தமிழக முதல்வர் விஜய், கர்நாடக முதல்வர் சிவகுமார், கேரள முதல்வர் சதீசன், ஆந்திர முதல்வர் சந்திரபாபு நாயுடு, தெலுங்கானா முதல்வர் ரேவந்த் ரெட்டி, புதுச்சேரி முதல்வர் ரங்கசாமி ஆகியோர் பங்கேற்க உள்ளனர்.
மாநாட்டுக்கு அமித் ஷா தலைமை தாங்குகிறார். ஆறு மாநிலங்களின் தலைமைச் செயலர்கள் மற்றும் பல்வேறு துறைகளின் ஐ.ஏ.எஸ். அதிகாரிகளும் இதில் பங்கேற்க உள்ளதாக தெரிவிக்கப்பட்டுள்ளது. இன்று இரவு டெல்லியிலிருந்து தனி விமானத்தில் சென்னை வந்து, அங்கிருந்து மாநாடு நடைபெறும் இடத்துக்கு செல்ல உள்ளார்.
அட்டவணைப்படி, இன்று இரவு முதல்வர்களுடன் நடைபெறும் இரவு விருந்திலும் அவர் பங்கேற்கிறார். நாளை மாநாட்டுக்குப் பிறகு மாமல்லபுரம் கடற்கரை கோவிலுக்கு சென்று தரிசனம் முடித்து, சென்னை வழியாக டெல்லி திரும்ப உள்ளார்.
இதற்கிடையில், அமித் ஷா வருகைக்கு எதிர்ப்பு தெரிவித்து ஆர்ப்பாட்டம் நடத்தப் போவதாக தமிழக காங்கிரஸ் தலைவர் மணிக்கம் தாகூர் அறிவித்துள்ளார்.
