புதுடில்லி: அமெரிக்காவின் சர்வதேச மத சுதந்திரத்துக்கான ஆணையமான யுஎஸ்சிஐஆர்எஃப் (USCIRF) பாரபட்சமாக செயல்படுவதாகவும், அதற்கு நம்பகத்தன்மை இல்லை என்றும் மத்திய அரசு கடுமையாக விமர்சித்துள்ளது.
இந்த ஆணையம் பாகிஸ்தான் வம்சாவளியைச் சேர்ந்த ஆசிப் மஹ்மூத் தலைமையில் செயல்படுகிறது என செய்தி கூறுகிறது. இந்தியாவில் மத சிறுபான்மையினர் துன்புறுத்தப்படுவதாக அவர் பலமுறை கூறி அறிக்கைகள் வெளியிட்டதாகவும், இப்போது அதேபோன்ற புதிய அறிக்கையை வெளியிட்டதாகவும் குறிப்பிடப்பட்டுள்ளது.
ஆர்.எஸ்.எஸ். தலைவர் மோகன் பாகவத்தின் அமெரிக்கப் பயணத்தை முன்னிட்டு இந்த அறிக்கை வெளியாகியதாகவும் செய்தியில் தெரிவிக்கப்பட்டுள்ளது.
இதுகுறித்து டில்லியில் செய்தியாளர்களிடம் பேசிய வெளியுறவு அமைச்சக செய்தித் தொடர்பாளர் ரந்தீர் ஜெயிஸ்வால், யுஎஸ்சிஐஆர்எஃப் பாரபட்சமான அமைப்பு என்பது அனைவருக்கும் தெரிந்ததே என்றும், இந்தியா குறித்து தவறாக வழிநடத்தும் மற்றும் ஆத்திரமூட்டும் கருத்துகளை பல ஆண்டுகளாக பரப்பி வருவதாகவும் கூறினார்.
மேலும், அந்த அமைப்பிடம் இருந்து இந்தியா விலகி இருக்க வேண்டும் என்றும், அது தன் சொந்த நோக்கங்களை முன்னிறுத்துகிறது என்றும் தெரிவித்த அவர், நம்பகத்தன்மை இல்லாததால் அதை பொருட்படுத்த தேவையில்லை என கூறினார்.
