சென்னை: ஆசிரியர் தினத்தை முன்னிட்டு, ஜனாதிபதி வழங்கும் தேசிய நல்லாசிரியர் விருதுக்கு தேர்வு செய்யப்பட்டுள்ள தமிழக ஆசிரியர்களுக்கு முதல்வர் விஜய் வாழ்த்து தெரிவித்துள்ளார்.
அறிக்கையில், புளியம்பட்டி ஊராட்சி ஒன்றிய தொடக்கப் பள்ளி ஆசிரியர் தங்கராஜ் மற்றும் மதுரை பிஎம் ஸ்ரீ கேந்திரிய வித்யாலயா பள்ளி ஆசிரியை அமுதா ஆகியோருக்கு மனமார்ந்த வாழ்த்துகளையும் பாராட்டுகளையும் தெரிவித்தார்.
மாணவர்களின் எதிர்காலத்தை வடிவமைக்கும் உன்னதப் பணியில் அவர்களுடைய அர்ப்பணிப்பு, புதுமையான கற்பித்தல் முறைகள் மற்றும் மாணவர் நலனில் கொண்ட அக்கறைக்கு கிடைத்த உயரிய அங்கீகாரமே இந்த விருது என அவர் குறிப்பிட்டார்.
இந்த தேர்வு தமிழகத்தின் கல்விச் சிறப்புக்கும், மாநிலத்தின் ஒட்டுமொத்த ஆசிரிய சமூகத்திற்கும் மேலும் பெருமை சேர்க்கிறது என்றும் முதல்வர் தெரிவித்தார்.
தேசிய விருது அவர்களின் பணிக்கு மேலும் ஊக்கமளித்து, எண்ணற்ற மாணவர்களின் வாழ்க்கையில் ஒளி சேர்க்கட்டும் எனவும் அவர் வாழ்த்தினார்.
