பட்டுக்கோட்டையில் நிகழ்வில் கடும் தாக்குதல்
தஞ்சாவூர் மாவட்டம் பட்டுக்கோட்டையில் நடைபெற்ற திருமண விழாவில் பங்கேற்ற எதிர்க்கட்சித் தலைவர் உதயநிதி, த.வெ.க. அரசின் செயல்பாடுகளை கடுமையாக விமர்சித்தார். “சர்க்கார் நடத்துகிறார்களா, சர்க்கஸ் கம்பெனி நடத்துகிறார்களா?” என்று கேட்கும் அளவுக்கு அரசின் செயல்பாடுகள் உள்ளதாக அவர் கூறினார்.
போராட்டம், கைது நடவடிக்கை குறித்து நினைவூட்டல்
விவசாயிகளின் கோரிக்கைகளுக்காக தஞ்சாவூரில் முன்பு போராட்டம் நடத்தியதாகவும், கைது நடவடிக்கைகளுக்கு பயப்படவில்லை என்றும் அவர் தெரிவித்தார். காவிரியில் தண்ணீர் வராதது குறித்து பேசியபோது தன்னை கைது செய்ததாகவும், பின்னர் நீதிமன்றத்தில் அரசு மன்னிப்பு கேட்டதாகவும், “விசாரித்ததும் விட்டுவிட்டோம்” என பின்னடைந்ததாகவும் அவர் குற்றம்சாட்டினார்.
விவசாயிகள் நிவாரணம்–எம்.எல்.ஏ. கார் விவகாரம்
தற்போதைய ஆட்சியால் அதிகம் பாதிக்கப்பட்டவர்கள் விவசாயிகளே என கூறிய உதயநிதி, வறட்சி நிவாரணம் மற்றும் பயிர்க்கடன் தள்ளுபடிக்கு நிதி இல்லை என்று முதல்வர் விஜய் கூறுவதாக சுட்டினார். அதே நேரத்தில் எம்.எல்.ஏ.க்களுக்கு கார் வாங்க நிதி எங்கிருந்து வந்தது என கேள்வி எழுப்பி, “கார் வேண்டாம்; விவசாயிகள் பிரச்னையை தீருங்கள்” என்று தி.மு.க. தரப்பில் கூறியதாக தெரிவித்தார்.
சட்டசபை செயல்பாடு குறித்த குற்றச்சாட்டு
சட்டசபையில் கேள்விகளுக்கு உரிய பதில் அளிக்காமல் திசைதிருப்பும் பேச்சுகள் நடப்பதாகவும், அமைச்சர்கள் மற்றும் ஆளுங்கட்சி எம்.எல்.ஏ.க்கள் ‘ரீல்ஸ்’ எடுப்பதற்காகவே வருகிறார்கள் எனவும் அவர் விமர்சித்தார். தி.மு.க. ஆட்சியில் 11.19% வளர்ச்சியுடன் தமிழகத்தை முன்னேற்றியதாக கூறிய அவர், தற்போதைய அரசு மாநில வளர்ச்சியை பின்னோக்கி தள்ளுகிறது என்றும் தெரிவித்தார்.
