சென்னை: குற்றச்செயலில் ஈடுபடுவது எந்த அரசியல் கட்சியாயினும் அதற்கு எதிராக விஜய் அரசு நடவடிக்கை எடுக்கும் என்று அமைச்சர் ராஜ்மோகன் சட்டசபையில் தெரிவித்தார்.
அவையில் பேசிய அவர், சட்டஒழுங்கு நிலை மேலும் மேம்படும் திசையில் தமிழ்நாடு நகர்கிறது என்றும், நிர்வாகம் அரசியல் தலையீடு இன்றி செயல்படுகிறது என்றும் கூறினார். மேலும், ஆளுங்கட்சி தலையீடு இல்லாமல் காவல்துறை இயங்குகிறது எனவும் அவர் வலியுறுத்தினார்.
மாணவர்கள் மற்றும் ஆசிரியர்களை நோக்கி, “நல்ல படியுங்கள்; எந்த அச்சமும் வேண்டாம்” என்று கூறிய ராஜ்மோகன், கல்வித்துறையிலிருந்து காவல்துறை வரை நடுநிலையாக செயல்பட அரசு உறுதி செய்கிறது என்றார்.
பெண்களுக்கு கூடுதல் பாதுகாப்பு வழங்க தொடர்ந்து நடவடிக்கைகள் எடுக்கப்படுகின்றன என்றும், ஆட்சியின் முதல் 100 நாட்களில் பாரபட்சமின்றி நேர்மையாக செயல்படுவது “நீதியின் ஆட்சி” எனவும் அவர் கூறினார்.
