நீட் தேர்வுக்கு எதிரான போராட்டங்களால் கவனம் பெற்ற கரப்பான்பூச்சி ஜனதா கட்சி தற்போது இரண்டாகப் பிளவடைந்துள்ளது. அமைப்பிலிருந்து சமீபத்தில் விலகிய மணிஷ் பிரம்பட், கரப்பான்பூச்சி ஜனதா கட்சி – ஜனநாயகம் என்ற பெயரில் புதிய கட்சியை தொடங்கியதாக அறிவித்துள்ளார்.
இந்த இயக்கம் சமூக வலைதளங்களில் கிண்டலாக தொடங்கியதாகவும், உச்சநீதிமன்ற தலைமை நீதிபதியின் கருத்துக்கு எதிர்ப்பு தெரிவிக்கும் பின்னணியில் அது உருவானதாகவும் தெரிவிக்கப்பட்டுள்ளது. நிறுவனர் அபிஜித் தீப்கே வெளிநாட்டில் இருந்த நிலையில், இந்தியா திரும்பிய பின் நீட் வினாத்தாள் கசிவுக்கு எதிராக போராட்டம் நடத்தப்படும் என முன்பே கூறியிருந்தார்.
அதன்படி, நீட் தேர்வு வினாத்தாள் கசிவுக்கு எதிராக டில்லியில் போராட்டம் நடத்தப்பட்டதாக செய்தி கூறுகிறது. அந்த போராட்டத்தின் பின்னணியில் மத்திய அமைச்சர் தர்மேந்திர பிரதான் பதவி விலகியதாகவும் குறிப்பிடப்பட்டுள்ளது.
பிளவுக்கான காரணம் குறித்து மணிஷ் பிரம்பட் கூறுகையில், மக்கள் உழைப்பால் உருவான இந்த அமைப்பு பின்னர் டில்லி முன்னாள் முதல்வர் அரவிந்த் கெஜ்ரிவாலின் ஆம் ஆத்மி கட்சியால் தேர்வு செய்யப்பட்ட ஒரு குழுவாக மாறிவிட்டதாக குற்றம்சாட்டினார். மாணவர்கள் அல்லது பிற மாநில மக்கள் எதிர்கொள்ளும் பிரச்னைகளுக்காக போராடுவதில் ஆர்வம் இல்லை என்றும், அரசியல் பேரங்களில் ஈடுபடுவதே நோக்கம் என்றும் அவர் கூறினார்.
மேலும், கட்சியின் முக்கிய குழுவுக்காக தேர்வு செய்யப்பட்ட எட்டு பேருக்கும் ஆம் ஆத்மி கட்சியுடன் தொடர்பு இருப்பதாகவும், ஜந்தர் மந்தரில் நடந்த போராட்டத்தை ஆதரித்தவர்களுக்கு அமைப்பில் வாய்ப்பு வழங்கப்படவில்லை என்றும் அவர் தெரிவித்தார். கெஜ்ரிவாலின் கட்டளைப்படி மட்டுமே செயல்படுவதாகவும், பாஜவுக்கு எதிரான அணிகளை ஆதரிக்கவே பாஜவை எதிர்க்கிறார்கள் என்றும் அவர் கூறினார்.
