சென்னையில் அதிமுக மாவட்ட செயலாளர்கள் கூட்டம் இன்று (செப். 06) நடைபெற்றதாக கட்சி வட்டாரங்கள் தெரிவித்தன. கூட்டத்திற்கு அதிமுக பொதுச்செயலாளர் எடப்பாடி கே. பழனிசாமி (இபிஎஸ்) தலைமை வகித்தார்.
ராயப்பேட்டையில் உள்ள கட்சி தலைமையகத்தில் நடந்த இந்த கூட்டத்தில் பல மாவட்ட செயலாளர்கள் பங்கேற்றனர். இதில் கட்சியின் செயற்குழு, பொதுக்குழு கூட்டங்களை நடத்துவது உள்ளிட்ட திட்டங்கள் மற்றும் கட்சி வளர்ச்சி பணிகள் குறித்து ஆலோசிக்கப்பட்டது.
மேலும் வரவிருக்கும் உள்ளாட்சி தேர்தலுக்கான வியூகம், அடிமட்ட அளவில் கட்சியை வலுப்படுத்துவது, இளைஞர்களை ஈர்ப்பது போன்ற அம்சங்கள் குறித்தும் நிர்வாகிகளுடன் இபிஎஸ் ஆலோசனை நடத்தியதாக கூறப்படுகிறது.
இதற்கு முன், கட்சி தலைமையகத்தில் உள்ள எம்ஜிஆர் மற்றும் ஜெயலலிதா சிலைகளுக்கு இபிஎஸ் மரியாதை செலுத்தினார்.
