மதுரை: திருப்பரங்குன்றத்தில் நடைபெறும் கார்த்திகை தீபம் மக்கள் மகிழ்ச்சியாகக் கொண்டாடும் விழா; இதில் எந்தப் பிரச்னையும் இல்லை என்று ஹிந்து சமய அறநிலையத்துறை அமைச்சர் ரமேஷ் தெரிவித்தார்.
மதுரையில் செய்தியாளர்களிடம் பேசிய அவர், திருப்பரங்குன்றம் தீப விவகாரத்தில் உச்சநீதிமன்ற தீர்ப்பு வந்த பிறகு நிலைமையைப் பார்க்கலாம் என்றும், இதுகுறித்து கவலைப்பட வேண்டாம் என்றும் கூறினார்.
மேலும், கோவில்களில் போலி கல்விச் சான்றிதழ் கொடுத்து பணியில் சேர்ந்திருந்தால் கட்டாயம் நடவடிக்கை எடுக்கப்படும் என அவர் தெரிவித்தார்.
கோவில்களுக்கு யானைகள் வழங்கப்படுவது நீதிமன்ற அனுமதியுடன் நன்கொடையாளர்களின் விருப்பப்படி நடைபெறுகிறது என்றும், யானைகள் கண்காணிப்பில் இருந்து பாகன்கள் மூலம் பராமரிக்கப்படுகின்றன என்றும் அமைச்சர் கூறினார்.
அதே பேட்டியில், இடைத்தேர்தல்களில் தங்கள் கட்சி வெற்றி பெறும் எனவும், கட்சி கொள்கை விளக்க மாநாட்டில் ஈ.வெ.ரா.வின் கடவுள் மறுப்பு கொள்கையை ஏற்கவில்லை என்று முதல்வர் விஜய் தெரிவித்ததாகவும், அவர் எல்லா மதங்களையும் மக்களையும் சமமாகக் காண்கிறார் என்றும் அமைச்சர் குறிப்பிட்டார்.
