வாக்காளர் பட்டியலின் எஸ்ஐஆர் (தீவிர திருத்தப்பணி) நடவடிக்கையுடன் தொடர்புடைய மேல்முறையீடுகள் மேற்கு வங்கத்தில் பெருமளவில் நிலுவையில் உள்ளதாக தேர்தல் கமிஷன் (EC) உச்சநீதிமன்றத்தில் தெரிவித்துள்ளது.
தேர்தல் கமிஷன் கூறியதாவது, எஸ்ஐஆர் செயல்முறையின் போது வாக்காளர் பட்டியலில் பெயர் சேர்த்தல் மற்றும் நீக்குதல் தொடர்பாக எழுந்த கோரிக்கைகள், ஆட்சேபனைகள் ஆகியவற்றை அடிப்படையாகக் கொண்டு இந்த மேல்முறையீடுகள் தாக்கல் செய்யப்பட்டுள்ளன. எஸ்ஐஆர் பணிகள் அனைத்து மாநிலங்கள் மற்றும் யூனியன் பிரதேசங்களிலும் நடைபெற்று வருவதாகவும் குறிப்பிடப்பட்டது.
எஸ்ஐஆர் நடவடிக்கையில் பெயர் நீக்கப்பட்ட வாக்காளர்களின் கோரிக்கைகள் மற்றும் ஆட்சேபனைகள் தொடர்பான வழக்கு, தலைமை நீதிபதி சூர்யகாந்த் தலைமையிலான (நீதிபதிகள் ஜாய்மாலா பாக்சி, வி.மோகனா உட்பட) அமர்வில் விசாரணைக்கு வந்தபோது இந்த தகவல் முன்வைக்கப்பட்டது.
உச்சநீதிமன்றத்தில் தாக்கல் செய்யப்பட்ட பிரமாணப் பத்திரத்தில், இதுவரை பெறப்பட்ட 38,20,683 மேல்முறையீடுகளில் நீதிமன்றம் நியமித்த தீர்ப்பாயங்கள் மூலம் 1,02,231 முடித்து வைக்கப்பட்டுள்ளதாக தேர்தல் கமிஷன் தெரிவித்தது. மேலும் 37,18,452 மேல்முறையீடுகள் இன்னும் நிலுவையில் உள்ளன என்றும் கூறப்பட்டது.
