சென்னை: சென்னையின் அமைந்தகரையில் உள்ள தனியார் மருத்துவமனையில் சிகிச்சை பெற்று வரும் தவெக எம்எல்ஏ வி.எஸ்.பாபுவின் உடல்நிலை குறித்து முதல்வர் விஜய் நேரில் சென்று விசாரித்தார்.
கொளத்தூர் தொகுதி தவெக எம்எல்ஏவான வி.எஸ்.பாபு, சுவாசக் கோளாறு ஏற்பட்டதைத் தொடர்ந்து செப். 9 அன்று மருத்துவமனையில் அனுமதிக்கப்பட்டதாக தெரிவிக்கப்பட்டுள்ளது. கடந்த இரண்டு வாரங்களாக மருத்துவர்கள் குழு தொடர்ந்து சிகிச்சை அளித்து வருகிறது.
மருத்துவமனை நிர்வாகம் அவ்வப்போது வெளியிடும் அதிகாரப்பூர்வ அறிக்கைகளில், அவரது உடல்நிலை சீராக இருப்பதாகவும், இருப்பினும் மருத்துவர்கள் குழுவின் கண்காணிப்பில் தொடர்ந்து வைத்திருப்பதாகவும் கூறப்பட்டுள்ளது.
இந்த நிலையில், தவெக தலைவருமான முதல்வர் விஜய் மருத்துவமனைக்கு சென்று சிகிச்சை அளிக்கும் மருத்துவர்களை சந்தித்து, எம்எல்ஏவின் தற்போதைய உடல்நிலை மற்றும் வழங்கப்படும் சிகிச்சை முறைகள் குறித்து கேட்டறிந்தார்.
