பா.ம.க. தலைவர் அந்துமணி ராமதாஸ், ரகுபதி என்பவர் ஏன் “வாலின்டியராக” வண்டியில் ஏறிச் செல்கிறார் என்ற கேள்வியை எழுப்பி, அதனால் ஏதோ பிரச்சினை இன்னும் தீராத நிலையில் இருக்கலாம் எனக் குறிப்பிட்டார்.
ஒரு ரயில் திட்டம் தொடங்கி 10 ஆண்டுகள் கடந்தும் முடிவடையவில்லை என்றும், மூன்று ஆண்டுகளில் முடிக்க வேண்டிய பணிகள் இன்னும் நிறைவடையாததாகவும் அவர் கூறினார். காலை முதல் மாலை வரை ஓட்டுநர் இல்லா ரயிலை இயக்கி சோதனை நடத்தினாலும் கோளாறுகள் தொடர்வதாகவும் தெரிவித்தார்.
மேலும், பாதிக்கப்பட்ட பகுதிகளில் சாலைகள் முறையாக சீரமைக்கப்படாததால் பொதுமக்கள் தான் அதிகம் அவதிப்படுகின்றனர் என்றும், இதனால் வர்த்தகமும் பாதிக்கப்படுவதாகவும் அவர் கூறினார்.
நடுரோட்டில் கழன்று ஓடும் சக்கரங்கள், உடைந்து விழும் படிக்கட்டுகள், மழையில் ஒழுகும் மேற்கூரை போன்ற குறைகளை முதலில் சரி செய்ய வேண்டும் என வலியுறுத்திய அவர், மின்சார பேருந்துகள் இயக்கம் தொடங்கினால் இருசக்கர வாகன ஓட்டிகளின் மீது பேருந்துகளிலிருந்து வரும் கரும்புகை குறையும் எனவும் கூறி, அது விரைவில் நடைமுறைக்கு வர வேண்டும் என கேட்டுக்கொண்டார்.
இந்த நிலைமைக்கு மத்திய அரசு உரிய நடவடிக்கை எடுக்க வேண்டும் என்றும் அவர் தெரிவித்தார்.
