தாராபுரம் அருகே சித்ராவுத்தன்பாளையத்தில் நடைபெற்ற தவெக பிரசாரக் கூட்டத்தில் அமைச்சர் கே.ஏ. செங்கோட்டையன் பேசினார். அப்போது, முதல்வர் விஜயின் பணிகளையும் நேர்மையையும் உச்ச நீதிமன்ற நீதிபதிகளே பாராட்டியுள்ளதாக அவர் தெரிவித்தார்.
மக்கள் எதிர்கால தமிழகத்தை விஜயின் கைகளில் ஒப்படைத்துள்ளதாகவும், அவர்மீது மக்கள் நம்பிக்கை வைத்துள்ளதாகவும் அமைச்சர் கூறினார். மேலும், விஜயின் பணிகளையும் நேர்மையையும் பார்த்த பிறகு, “தமிழகத்தில் மட்டுமல்ல, இந்தியாவிலேயே இவரைப் போல எந்த முதல்வரும் இல்லை” என்று இரண்டு உச்ச நீதிமன்ற நீதிபதிகள் கருத்து தெரிவித்ததாகவும் அவர் உரையாற்றினார்.
அக்டோபர் 6-ம் தேதி தாராபுரம் “விசில் கோட்டை” என்பதை நிரூபிக்கும் நாளாக இருக்க வேண்டும் என்றும் அமைச்சர் குறிப்பிட்டார். இப்பகுதி மக்களின் கோரிக்கையாக ஆனைமலையாறு, நல்லாற்று திட்டங்கள் நிறைவேற்றப்பட வேண்டும்; அதேபோல் உப்பாறு, அமராவதி திட்டங்களும் செயல்படுத்தப்பட வேண்டும் என்றும் அவர் கூறினார்.
தாராபுரத்தில் ஒரு குடிநீர் திட்டம் கூட இல்லை; பகுதி பின்தங்கிய நிலையில் இருப்பதாகவும் அவர் குற்றம்சாட்டினார். ரூ.147 கோடி 90 லட்சம் செலவில் குடிநீர் திட்டத்திற்கான ஆணை விரைவில் பிறப்பிக்கப்படும் என்றும், இரண்டு சட்டசபை தொகுதிகளின் தீர்ப்பு இந்தியாவே வியக்கும் அளவுக்கு இருக்கும் என்றும் அவர் தெரிவித்தார்.
