மதுராந்தகத்தில் இன்று நடைபெற உள்ள கூட்டணி கட்சித் தலைவர்கள் பங்கேற்கும் பிரசாரக் கூட்டத்தில் முதல்வர் விஜய் கலந்து கொள்ளவில்லை என தகவல் வெளியாகியுள்ளது. அவர் தனித்துவமான, தனிப்பட்ட பிரசார முறையை தொடர்வதாக கூறப்படுகிறது.
இந்த அணுகுமுறை மறைந்த முன்னாள் முதல்வர் ஜெயலலிதா பின்பற்றிய தேர்தல் பாணியை ஒத்ததாகவும், கூட்டணி பலம், தொகுதியின் அரசியல் சூழல், ஜாதி வாரியான ஓட்டுகள் போன்றவற்றை கணக்கிட்டு முடிவெடுப்பது அந்த பாணியின் முக்கிய அம்சமாகவும் குறிப்பிடப்படுகிறது.
மதுராந்தகம் மற்றும் தாராபுரம் இடைத்தேர்தல் பிரசாரத்தில், விஜய் ஏற்கனவே மதுராந்தகத்தில் தனியாகவும், நேற்று தாராபுரத்திலும் தனியாகவும் பிரசாரம் செய்ததாக தெரிவிக்கப்பட்டுள்ளது.
இந்நிலையில், மதுராந்தகத்தில் த.வெ.க. தலைமையிலான “மதச்சார்பற்ற சமூக நீதி வெற்றிக் கூட்டணி” கட்சித் தலைவர்கள் பங்கேற்கும் பிரசாரக் கூட்டம் நடைபெறுகிறது. ஆனால், த.வெ.க. தலைவர் விஜய் அந்த மேடையை தவிர்த்துள்ளதாக கட்சி நிர்வாகிகள் கூறியுள்ளனர்.
அவர்கள் கூறியதாவது: மதுராந்தகம் தொகுதியில் வெற்றிக்கு வன்னியர் மற்றும் தலித் ஓட்டு வங்கி முக்கியம். கூட்டணியில் விடுதலை சிறுத்தைகள் கட்சி (வி.சி.க.) இருப்பதால் தலித் ஓட்டுகள் த.வெ.க.க்கு இயல்பாக கிடைக்கும் எனவும், வன்னியர் ஓட்டுகளை ஈர்க்கும் வகையில் வி.சி.க. உள்ளிட்ட கூட்டணி தலைவர்கள் பங்கேற்கும் கூட்டத்தில் விஜய் கலந்து கொள்ளாமல் இருப்பதாகவும் தெரிவித்தனர்.
