சென்னை: வீரமணி பாலியல் வழக்கில் புகார்கள் பெற அறிவிக்கப்பட்ட வாட்ஸ் அப் எண்ணின் மூலம் 5 புதிய தகவல்கள் கிடைத்துள்ளதாக சென்னை போலீசார் தெரிவித்துள்ளனர்.
கிரானைட் தொழில் வர்த்தகர் வீரமணி (85) சிறுமியரை பாலியல் வன்கொடுமை செய்ததாக போக்சோ சட்டத்தின் கீழ் கைது செய்யப்பட்டுள்ளார். குற்றத்திற்கு உடந்தையாக இருந்ததாக கூறப்படும் சாந்தி (61), மகேந்திர சிம்ஹன் (63) ஆகியோரும் கைது செய்யப்பட்டுள்ளனர்.
தமிழக அரசு நியமித்த சிறப்பு புலனாய்வு குழு, பாதிக்கப்பட்டவர்கள் புகார் அளிக்கவும் ஆதாரங்களை வழங்கவும் 9345319676 என்ற வாட்ஸ் அப் எண்ணில் தொடர்பு கொள்ளலாம் என முன்பே அறிவித்திருந்தது. அந்த எண்ணிற்கு ஆதாரங்களுடன் சிலர் புகார்கள் அனுப்பி வருவதாக போலீசார் கூறினர்.
மேலும் வீரமணி, சாந்தி, மகேந்திர சிம்ஹன் ஆகியோர் குண்டர் சட்டத்தின் கீழும் கைது செய்யப்பட்டுள்ளதாக தெரிவிக்கப்பட்டது. வீரமணி பயன்படுத்தியதாக சந்தேகிக்கப்படும் பரிவர்த்தனைகள் குறித்து விசாரணை நடைபெற்று வருவதுடன், இதுவரை பல்வேறு சட்டப் பிரிவுகளின் கீழ் 4 வழக்குகள் பதிவு செய்யப்பட்டுள்ளதாக போலீசார் தெரிவித்தனர்.
