தாராபுரம் தவெக வேட்பாளர் சத்யபாமாவை குறித்து அவமதிக்கும் வகையில் பேசியதாகக் கூறி, திமுக தலைவர் மு.க. ஸ்டாலின் மீது நடவடிக்கை எடுக்க வேண்டும் எனத் தவெக தேர்தல் கமிஷனில் புகார் அளித்துள்ளது.
தாராபுரத்தில் திமுக வேட்பாளர் சுகன்யாவை ஆதரித்து நடைபெற்ற பிரசாரத்தில் ஸ்டாலின், சத்யபாமாவை சில பெயர்களால் குறிப்பிடுவதோடு, அவரது தோற்றத்தை குறிவைத்து பேசினார் எனத் தவெக தரப்பு குற்றம்சாட்டுகிறது. இதற்கு கடும் எதிர்ப்பு தெரிவிக்கப்பட்டு வருகிறது.
மேலும் பெண்கள் வன்கொடுமை தொடர்பான சட்டப்பிரிவுகளின் கீழ் வழக்குப்பதிவு செய்ய வேண்டும் என டிஜிபியிடமும் தவெக கோரிக்கை வைத்துள்ளது. ஸ்டாலின் பேச்சுக்கு தவெக, பாஜக மற்றும் விசிக உள்ளிட்ட கட்சிகளும் கண்டனம் தெரிவித்துள்ளதாக தகவல் வெளியாகியுள்ளது.
இதற்கிடையே கோவை விமான நிலையத்தில் செய்தியாளர்களிடம் பேசிய அமைச்சர் நிர்மல்குமார், ஸ்டாலின் பேச்சு குறித்து தேர்தல் கமிஷனில் புகார் அளிக்கப்படும் என்றும், பொதுவெளியில் மன்னிப்பு கேட்க வேண்டும் என்றும் கூறினார். பிரசாரத்தில் திமுக தலைமையின் “உண்மையான முகம்” வெளிப்பட்டதாகவும் அவர் விமர்சித்தார்.
மேலும் தவெக சார்பில் வாக்காளர்களுக்கு பணம் வழங்கப்பட்டதாக கூறப்படும் குற்றச்சாட்டுகளை அவர் மறுத்தார்; அத்தகைய குற்றச்சாட்டுகள் இருந்தால் நிரூபிக்க வேண்டும் என்றும் தெரிவித்தார். எஸ்ஐஆர் எதிராக தவெக போராட்டம் நடந்ததாகவும், எதிர்கால தேர்தல் நிலவரம் குறித்து அரசியல் கருத்துகளையும் அவர் முன்வைத்தார்.
