சென்னையில் போக்சோ வழக்கில் கைது செய்யப்பட்டுள்ள கிரானைட் நிறுவனத்தின் நிறுவனர் வீரமணி மீது, சிறப்பு புலனாய்வு குழுவிடம் (SIT) மேலும் ஒரு பெண் புதிய புகார் அளித்துள்ளார்.
சிறுமி அளித்த பாலியல் வன்கொடுமை புகாரைத் தொடர்ந்து, 84 வயதான வீரமணி ஆகஸ்ட் 29 அன்று கைது செய்யப்பட்டார். இதுவரை சிறுமிகள் தொடர்பான பாலியல் வன்கொடுமை குற்றச்சாட்டில் நான்கு வழக்குகள் பதிவு செய்யப்பட்டுள்ளதாக அதிகாரிகள் தெரிவித்துள்ளனர்.
சிறை அதிகாரிகள் கூறுகையில், அவர் தீவிர பாதுகாப்பு பிரிவில் வைக்கப்பட்டுள்ளதுடன், படுக்கை, நாற்காலி மற்றும் நாளிதழ்கள் போன்ற அடிப்படை வசதிகள் மட்டுமே வழங்கப்பட்டுள்ளதாக தெரிவித்தனர். மற்ற கைதிகளுடனும் சிறை ஊழியர்களுடனும் அவர் அரிதாகவே பேசுவதாகவும் கூறினர்.
மேலும், சிசிடிவி கண்காணிப்பில் உள்ள நடைபாதையில் குறுகிய நேரம் மட்டும் நடக்க அனுமதி வழங்கப்படுவதாக அதிகாரிகள் தெரிவித்தனர். அவரது மகள் மற்றும் சில வழக்கறிஞர்கள் மட்டுமே சந்தித்துள்ளதாகவும், தேவையற்ற தொடர்புகள் தவிர்க்கும்படி ஊழியர்களுக்கு அறிவுறுத்தப்பட்டுள்ளதாகவும் கூறினர்.
