கொல்கட்டாவில் நடைபெற்ற ஆடவர் சர்வதேச நட்புறவு கால்பந்து போட்டியில் இந்திய அணியை பிரேசில் அணி 4-0 என்ற கோல் கணக்கில் வென்றது.
இந்தியா–பிரேசில் ஆடவர் அணிகள் நேருக்கு நேர் மோதிய முதல் சர்வதேச நட்புறவு போட்டியாக இது குறிப்பிடப்பட்டது. உலக தரவரிசையில் 5-வது இடத்தில் உள்ள பிரேசில் அணியில் வினிசியஸ் ஜூனியர், கேப்ரியல் மகால்ஹேஸ் உள்ளிட்ட முன்னணி வீரர்கள் களமிறங்கினர். தரவரிசையில் 138-வது இடத்தில் உள்ள இந்திய அணியை கேப்டன் குர்பிரீத் சிங் சந்து வழிநடத்தினார்.
முதல் பாதியில் பிரேசில் அணியே ஆட்டத்தை கட்டுப்படுத்தியது. 27-வது நிமிடத்தில் இளம் வீரர் எஸ்தேவாவ் வில்லியன் முதல் கோலை அடித்தார். தொடர்ந்து 41-வது நிமிடத்தில் பெட்ரோ கோல் அடித்து இடைவேளைக்கு 2-0 என முன்னிலை பெற்றனர்.
இரண்டாம் பாதியில் மாற்று வீரராக வந்த சாமுவேல் லினோ 57-வது நிமிடத்தில் மூன்றாவது கோலை பதிவு செய்தார். கூடுதல் நேரத்தில் (90+4) மீண்டும் கோல் அடித்து பிரேசிலின் வெற்றியை 4-0 என உறுதி செய்தார்.
