திருப்பூர் மாவட்டம் தாராபுரம் காவல் நிலையத்தில், தேர்தல் பிரசாரத்தில் குழந்தைகளை பயன்படுத்தியதாக கூறி எதிர்க்கட்சித் தலைவர் உதயநிதி மீது வழக்குப்பதிவு செய்யப்பட்டுள்ளது.
தாராபுரம் தொகுதி இடைத்தேர்தலை முன்னிட்டு பிரதான கட்சிகள் தீவிரமாக பிரசாரம் மேற்கொண்டு வரும் நிலையில், முதல்வரை மரியாதையற்ற முறையில் குறிப்பிடுவதாக இரு தரப்பிலும் குற்றச்சாட்டுகள் எழுந்ததாக தகவல் வெளியாகியுள்ளது.
இந்த சூழலில் தாராபுரம் நகரில் நடந்த பிரசாரத்தின் போது, தேர்தல் கமிஷன் விதித்த தடையை மீறி எட்டு வயது சிறுவனை பிரசார வாகனத்தில் ஏற்றி பேச வைத்ததாக குற்றச்சாட்டு முன்வைக்கப்பட்டுள்ளது. வேட்பாளருக்கு ஓட்டு கேட்கச் செய்ததுடன், முதல்வரை அவமதிக்கும் வகையில் சிறுவனை பேச வைத்ததாகவும் கூறப்படுகிறது.
இதுதொடர்பாக போலீசார் விசாரணை நடத்தி, சம்பவத்துக்கான வீடியோவை பார்த்த பின்னர் வழக்குப்பதிவு செய்துள்ளனர். தொடர்ந்து விசாரணை நடைபெற்று வருகிறது.
