புதுடில்லி: ஜப்பானில் நிறைவடைந்த ஆசிய விளையாட்டுப் போட்டியில் சிறப்பாக விளையாடிய இந்திய வீரர், வீராங்கனைகளுக்கு பிரதமர் நரேந்திர மோடி மனமார்ந்த பாராட்டுகளைத் தெரிவித்துள்ளார்.
சமூக வலைதளப் பதிவில், அசாத்திய மன உறுதி, ஆர்வம் மற்றும் விளையாட்டு உணர்வுடன் நாட்டை பிரதிநிதித்துவப்படுத்திய இந்தியக் குழுவின் ஒவ்வொரு உறுப்பினருக்கும் வாழ்த்துகளை அவர் தெரிவித்தார். பதக்கங்களை வென்று நாட்டிற்கு பெருமையும் மகிழ்ச்சியும் தேடித்தந்த அனைவருக்கும் அவர் பாராட்டு தெரிவித்தார்.
இந்தப் போட்டிகளில் கிடைத்த சாதனைகள் வரும் ஆண்டுகளில் மேலும் பல வெற்றிகளுக்கான ஊக்கமாக அமைய வேண்டும் என்றும், விளையாட்டைத் தேர்வு செய்துள்ளவர்களின் திறமைகளை மேலும் வலுப்படுத்த உதவ வேண்டும் என்றும் அவர் குறிப்பிட்டார்.
இந்தியா 21 தங்கம், 27 வெள்ளி, 37 வெண்கலம் என மொத்தம் 85 பதக்கங்களுடன் பதக்கப் பட்டியலில் 4வது இடத்தைப் பிடித்து தனது பயணத்தை நிறைவு செய்தது. இரண்டு வாரங்களுக்கும் மேலாக நடைபெற்ற போட்டிகள் கண்கவர் நிறைவு விழாவுடன் முடிவடைந்தன.
