சென்னை: தி.மு.க. தலைவர் மு.க. ஸ்டாலின், தி.மு.க. அ.தி.மு.க. உடன் கூட்டணி அமைக்க முயன்றதாக கூறுவது “இல்லாத கதை” என்றும், அதை வைத்து தமிழக மக்களை ஏமாற்ற முயற்சி நடக்கிறது என்றும் குற்றம்சாட்டினார்.
இடைத்தேர்தல் பிரசாரம் நிறைவடைந்ததை ஒட்டி வெளியிட்ட வீடியோ பதிவில், இந்த இடைத்தேர்தலில் மக்கள் நலன் எவ்வளவு உள்ளது என கேள்வி எழுப்பினார். தங்களை வளர்த்த கட்சியை ஒழிக்கச் செய்த துரோகம் தான் இதற்குக் காரணம் என கூறிய அவர், தொகுதி மக்களின் தன்மானத்தை ஆளுங்கட்சியிடம் விலைபேசி குதிரை பேரத்துக்கு துணை போனவர்களுக்கு வாக்காளர்கள் என்ன பதிலடி கொடுப்பார்கள் எனவும் கேட்டார்.
ஆளும் கட்சியில் இருந்தால்தான் நல்லது செய்ய முடியும் என்றால், எல்லா ஆட்சிகளிலும் எதிர்க்கட்சி எம்.எல்.ஏ.க்கள் ராஜினாமா செய்து ஓடியிருக்க வேண்டுமே என அவர் சாடினார். மேலும், மகளிர் உரிமைத் தொகை ரூ.2,500 மற்றும் ஆறு சிலிண்டர் போன்ற வாக்குறுதிகள் குறித்து முதல்வர் முதல் அமைச்சர்கள் வரை பேசிக் கொண்டு ஓட்டு கேட்கிறார்களா எனவும் கேள்வி எழுப்பினார்.
அரசின் கவனம் மக்கள் பிரச்சினைகளில் அல்லாமல் ஆட்சியை காப்பாற்றுவதிலும் எம்.எல்.ஏ.க்களை வாங்குவதிலும் தான் இருப்பதாகவும் அவர் விமர்சித்தார். துரோகத்துக்கு பாடம் புகட்ட வேண்டும்; அப்போதுதான் இனி இதுபோன்ற அநியாயம் நடக்காது என வாக்காளர்களை அவர் கேட்டுக்கொண்டார்.
