வாஷிங்டன்: அமெரிக்க தேர்தல் முறையை முன்னாள் அதிபர் டொனால்ட் டிரம்ப் மீண்டும் விமர்சித்துள்ளார். அமெரிக்காவில் ஓட்டு எண்ணிக்கை தாமதமாக நடைபெறுவதோடு முறைகேடுகள் உள்ளதாகவும் அவர் கூறி வருகிறார்.
சமூக வலைதள பதிவில், “இந்தியாவில் நடந்த ஜனாதிபதி தேர்தலில்” முதற்கட்ட ஓட்டுப்பதிவில் 12.5 கோடி பேர் வாக்களித்ததாகவும், சில மணி நேரங்களிலேயே முடிவுகள் அறிவிக்கப்பட்டதாகவும் டிரம்ப் குறிப்பிட்டார். இதை டெட்ராய்ட், பிலடெல்பியா, கலிபோர்னியா உள்ளிட்ட இடங்களில் குறைந்த ஓட்டுகளைக் கூட எண்ண பல வாரங்கள் ஆகும் நிலைமையுடன் ஒப்பிட்டார்.
ஆனால் இதே நேரத்தில் பிரேசிலில் ஜனாதிபதி தேர்தலுக்கான முதற்கட்ட ஓட்டுப்பதிவு நடந்த நிலையில், வலதுசாரி வேட்பாளர் பிளாவியோ போல்சனரோவும் இடதுசாரி வேட்பாளர் லூயிஸ் இன்னாசியோ லூலா ட சில்வாவும் போட்டியிட்டதாக தகவல்கள் வெளியாகின. இதை இந்திய தேர்தலாகக் கூறி டிரம்ப் பதிவு செய்ததாக நெட்டிசன்கள் கிண்டல் செய்தனர்.
மேலும், இந்தியாவில் ஜனாதிபதியை மக்கள் நேரடியாகத் தேர்வு செய்வதில்லை; பார்லிமென்ட் இரு அவை உறுப்பினர்கள் மற்றும் மாநில சட்டமன்ற உறுப்பினர்கள் அடங்கிய மறைமுகத் தேர்தல் மூலம் ஜனாதிபதி தேர்வு செய்யப்படுகிறார் என்பதையும் பலர் சுட்டிக்காட்டி, டிரம்பின் ஒப்பீட்டை விமர்சித்தனர்.
