ரஷ்யா–உக்ரைன் போரை முடிவுக்குக் கொண்டுவரும் முயற்சிகளில் இந்தியா தனது பங்கைக் கூடுதலாக எடுத்துக்கொண்டு, கருத்து தெரிவிப்பைத் தாண்டி ஆக்கப்பூர்வமான நடவடிக்கைகளில் ஈடுபடத் தொடங்கியுள்ளதாக தெரிவிக்கப்பட்டுள்ளது.
கிழக்கு ஐரோப்பிய நாடான உக்ரைனுக்கும் ரஷ்யாவுக்கும் இடையேயான போர் நான்கு ஆண்டுகளைக் கடந்தும் நீடித்து வருகிறது. இதை நிறுத்த அமெரிக்கா உள்ளிட்ட பல நாடுகள் முயற்சி மேற்கொண்டதாகவும் கூறப்படுகிறது.
போரை நிறுத்த இந்தியா முன்வைத்த ஆக்கப்பூர்வமான திட்டங்களை ரஷ்ய அதிபர் விளாடிமிர் புடின் சமீபத்தில் பாராட்டியதாக தகவல் வெளியாகியுள்ளது. அதேபோல், உக்ரைன் அதிபர் வோலோடிமிர் ஜெலன்ஸ்கியும் இந்தியாவின் திட்டங்கள் நடைமுறைக்கு ஏற்றதாக உள்ளதாக கூறியுள்ளார்.
இந்த நிலையில், ரஷ்யா மற்றும் உக்ரைனுடன் இந்தியா நேரடியாக பேச்சு நடத்தி வருவதாக வெளியுறவுத்துறை அமைச்சர் எஸ்.ஜெய்சங்கர் தெரிவித்தார். டில்லியில் நடைபெற்ற நிகழ்ச்சியில் அவர் பேசுகையில், கருங்கடல் பகுதியில் கப்பல் போக்குவரத்துக்குத் தேவையான பாதுகாப்பை உறுதி செய்வது, தானியங்கள் மற்றும் எரிசக்தி ஏற்றுமதி தொடர்பான சிக்கல்களுக்கு தீர்வு காண்பது, மேலும் தாக்குதல்களைத் தவிர்க்கும் சாத்தியக்கூறுகள் குறித்து இருநாடுகளுடனும் பேசி வருவதாக குறிப்பிட்டார்.
