2026 ஆம் ஆண்டுக்கான இலக்கிய நோபல் பரிசு இன்று அறிவிக்கப்பட்டுள்ளது. கனடாவைச் சேர்ந்த எழுத்தாளர் ஆன் கார்சன் இந்த ஆண்டின் விருதாளராக தேர்வு செய்யப்பட்டுள்ளார்.
மருத்துவம், வேதியியல், இயற்பியல், இலக்கியம், பொருளாதாரம் உள்ளிட்ட துறைகளில் சிறந்து விளங்குபவர்களுக்கு நோபல் பரிசுகள் ஆண்டுதோறும் வழங்கப்படுகின்றன.
இந்த ஆண்டுக்கான மருத்துவம், இயற்பியல், வேதியியல் துறைகளின் நோபல் பரிசுகள் ஏற்கெனவே அறிவிக்கப்பட்ட நிலையில், இன்று இலக்கியத்திற்கான விருது அறிவிக்கப்பட்டது.
செவ்வியல் மரபுடன் எளிமையான உரையாடலை மேற்கொண்டு, சமகால இலக்கியத்திற்கு புதிய வடிவங்களை உருவாக்கிய துணிச்சலான மற்றும் புதுமையான படைப்புகளுக்காக ஆன் கார்சன் இந்த பரிசை பெறுகிறார் என அறிவிப்பில் குறிப்பிடப்பட்டுள்ளது.
