தொலைதூர கிராமத்திலிருந்து விரிந்த வகுப்பறை வரை
உத்தர பிரதேசத்தின் தொலைதூர கிராமத்தைச் சேர்ந்த யசோதா, யூடியூப் மற்றும் இன்ஸ்டாகிராம் வீடியோக்கள் மூலம் ஆங்கிலப் பயிற்சி அளித்து வருகிறார். பிளஸ் 2 வரை படித்துள்ள அவர், குறுகிய பாடங்களின் மூலம் பலருக்கு உதவ முயல்கிறார்.
வீட்டிலேயே கண்டிப்பு
விவசாய நிலத்தில் வேலை செய்தபோது வீடியோ பதிவு செய்வதை பார்த்த அவரது கணவர் கோபமடைந்து கடிந்து கொண்டதாக யசோதா தெரிவித்துள்ளார். அந்த சம்பவம் தன்னை வருத்தமடையச் செய்ததாகவும் அவர் கூறியுள்ளார்.
திரையுலகின் கவனம்
யசோதாவின் ஒரு வீடியோ சமூக வலைதளங்களில் கவனம் பெற்றதைத் தொடர்ந்து, பாலிவுட் நடிகை பிரியங்கா சோப்ரா அவரது முயற்சியை பாராட்டியுள்ளார். நடிகர்கள் மாதவன், அபய் தியோல் மற்றும் நடிகை மிருணாள் தாகூர் ஆகியோரும் அவருக்கு பாராட்டு தெரிவித்துள்ளனர்.
“என் வீட்டில் டிவி கூட இல்லை”
தன் வீட்டில் டிவி கூட இல்லை என்றும், பிரபலங்களை பின்தொடர்வதும் இல்லை என்றும் யசோதா கூறியுள்ளார். தன் பணியை பாராட்டியவர்களைப் பற்றி மாணவர்கள் சொல்லத் தொடங்கியபோதுதான் அது உண்மை என தெரிந்து, அது தன் மனதை நெகிழ வைத்ததாகவும் அவர் தெரிவித்துள்ளார்.
