தாராபுரம் சட்டமன்ற இடைத்தேர்தலில் தவெக வெற்றி பெற்றுள்ளது. தவெக வேட்பாளர் சத்தியபாமா 9,471 ஓட்டுகள் வித்தியாசத்தில் வெற்றி பெற்றதாக அறிவிக்கப்பட்டது. வாக்கு எண்ணிக்கை திருப்பூர் மாவட்டம் எல்.ஆர்.ஜி. கல்லூரி வளாகத்தில் நடைபெற்றது.
தாராபுரம் தொகுதியில் சுமார் 80% வாக்குப்பதிவு நடந்திருந்தது. இறுதி முடிவில் சத்தியபாமா (தவெக) 66,841 ஓட்டுகள் பெற்றார்; திமுக வேட்பாளர் சுகன்யா 57,370 ஓட்டுகளும், அதிமுக வேட்பாளர் பானுமதி 45,280 ஓட்டுகளும் பெற்றனர்.
செங்கல்பட்டு மாவட்டம் மதுராந்தகம் தொகுதியில் அக்டோபர் 6 அன்று 85.9% வாக்குப்பதிவு நடைபெற்ற நிலையில், வாக்கு எண்ணிக்கை ஆத்தூரில் உள்ள சமூக மேம்பாட்டிற்கான ஒருங்கிணைந்த பயிற்சி மையத்தில் நடைபெற்று வருகிறது. மொத்தம் 21 சுற்றுகள் எண்ணப்பட உள்ளன.
20வது சுற்று முடிவில் தவெக வேட்பாளர் மரகதம் குமரவேல் 69,561 ஓட்டுகளுடன் முன்னிலையில் இருந்தார். திமுக வேட்பாளர் பரந்தாமன் 50,649 ஓட்டுகளும், அதிமுக வேட்பாளர் கணிதா சம்பத் 45,740 ஓட்டுகளும் பெற்றனர். அந்த நிலையில் தவெக முன்னிலை 18,912 ஓட்டுகளாக இருந்தது.
இதற்கிடையில், புதுச்சேரி தட்டாஞ்சாவடியில் லாஸ்பேட்டை மோதிலால் நேரு பாலிடெக்னிக் கல்லூரியில் நடைபெற்ற வாக்கு எண்ணிக்கையில், 4வது சுற்று முடிவில் என்.ஆர்.காங்கிரஸ் வேட்பாளர் அசோக் ஆனந்த் 8,482 ஓட்டுகள் வித்தியாசத்தில் வெற்றி பெற்றார்.
