முன்னாள் மத்திய அமைச்சரும் பாஜ எம்.பி.யுமான ரவிசங்கர் பிரசாத், ‘கரப்பான் போராட்டம்’ ஆம் ஆத்மி கட்சிக்காக மறைமுகமாக நடத்தப்படும் ஒரு நாடகமென குற்றம்சாட்டினார்.
காலை தொடங்கிய அந்த போராட்டத்தில் பின்னர் அரவிந்த் கெஜ்ரிவால் உள்ளிட்டோர் கலந்து கொண்டதாகவும், அதனைத் தொடர்ந்து மம்தா பானர்ஜி மற்றும் இடதுசாரி கட்சிகளும் சேர்ந்ததாகவும் அவர் கூறினார். கடந்த மூன்று முதல் நான்கு நாட்களாக டில்லி மக்களைத் துன்புறுத்தும் வகையில் தெருப் போராட்டங்களை ஆயுதமாக பயன்படுத்துகிறார்கள் எனவும் விமர்சித்தார்.
வாக்காளர் பட்டியல் சரிபார்ப்பு நடவடிக்கையை அவர் ஆதரித்து, இது சட்டத்தின் ஒரு பகுதியாகும் என்றும், சிறப்பு தீவிர திருத்தம் (SIR) பலமுறை மேற்கொள்ளப்பட்டுள்ளதாகவும் குறிப்பிட்டார். இறந்தவர்கள் வாக்காளர்களாக தொடர முடியாது; மேலும் ஒருவர் தங்காத தொகுதியில் பதிவு செய்ய முடியாது, ஒரே நபர் பல இடங்களில் வாக்காளராக இருக்கவும் முடியாது என்றார்.
சமீபத்திய தேர்தல் முடிவுகளை மேற்கோள் காட்டி, அசாம் மற்றும் நந்திகிராமில் பாஜ வெற்றி பெற்றதாகவும், புதுச்சேரியில் பாஜ கூட்டணி வெற்றி பெற்றதாகவும் அவர் தெரிவித்தார். போராட்டங்களுக்கு எதிரல்ல என்றாலும், நாடு பார்லிமென்ட் மூலம் ஆளப்படுகிறது; வீதிகள் மூலம் அல்ல என்றும், குழப்பம் உருவாக்கும் முயற்சிகளை மக்கள் நிராகரித்துள்ளதாகவும் அவர் கூறினார்.
