சென்னை: மதுராந்தகம் மற்றும் தாராபுரம் இடைத்தேர்தல் முடிவுகள், மக்கள் மனதில் தங்களுக்கான ஆதரவை மீண்டும் உறுதிப்படுத்தியதாக முதல்வர் விஜய் தெரிவித்தார்.
தன் அறிக்கையில், பணம் கொடுப்பது அல்லது யாரையும் அவமானப்படுத்துவது போன்ற வழிகளின்றி, முன்பு பேசப்பட்டதாகக் கூறும் பல்வேறு “பார்முலாக்கள்” இல்லாமல், ஜனநாயகத்தை காக்கும் முறையில் இந்த வெற்றி கிடைத்ததாக அவர் கூறினார். தமிழகத்தை ஊழல் சக்திகளின் கோட்டையாக அல்ல, மக்கள் அன்பும் தூய்மையும் கொண்ட சக்தியின் கோட்டையாகவே முடிவுகள் காட்டியதாகவும் தெரிவித்தார்.
பேரங்கள் நடந்ததாக அவதூறு பேசியவர்களுக்கும், தரம் தாழ்ந்த வகையில் பேசியவர்களுக்கும் மக்கள் தரமான பதிலடி கொடுத்துள்ளதாக அவர் கூறினார். மேலும், தாம் இரண்டு நாட்கள் மட்டுமே பிரசாரம் செய்ததை நக்கலாக பேசியவர்களுக்கும் மக்கள் பதிலளித்ததாகவும் குறிப்பிட்டார்.
இரு தொகுதிகளிலும் வாக்களித்து வெற்றி பெறச் செய்த அனைவருக்கும் நன்றி தெரிவித்த அவர், காங்கிரஸ், வி.சி.க., ம.தி.மு.க., முஸ்லிம் லீக் ஆகிய கட்சிகளின் தலைவர்கள், அமைச்சர்கள் மற்றும் நிர்வாகிகளுக்கும் நன்றி கூறினார். இது பெண்கள் மீதான அவதூறு பேச்சுக்கும், தரம் தாழ்ந்த தனிப்பட்ட தாக்குதல்களுக்கும் எதிரான வெற்றி என்றும், இதுபோன்ற வெற்றிகள் இனிமேலும் தொடரும் என்றும் அவர் தெரிவித்தார்.
