ஃப்ளைதுபாய் விமானத்தின் கேப்டன் ஸ்மிட் மச்சார் மீது ஓமன் துணை விமானி தாக்குதல் நடத்தியதாக கூறப்படும் சம்பவம் தொடர்பாக தேசிய புலனாய்வு முகமை (என்.ஐ.ஏ.) வழக்கு பதிவு செய்துள்ளதாக தகவல் வெளியாகியுள்ளது.
அந்த துணை விமானி விமானத்தை கடத்தி, தரையில் மோதச் செய்து பயணிகளை கொல்லும் நோக்கில் சதி செய்ததாகவும், அதை கேப்டன் முறியடித்ததாகவும் தெரிவிக்கப்பட்டுள்ளது.
இந்த முயற்சி தடுக்கப்பட்டதால் 174 பயணிகள் உயிர் தப்பியதாக கூறப்படுகிறது. தாக்குதலில் படுகாயமடைந்த கேப்டன் ஸ்மிட் மச்சார் தற்போது தீவிர சிகிச்சையில் சிகிச்சை பெற்று வருகிறார்.
சர்வதேச அளவிலான சதியின் முழு விவரங்களையும் கண்டறியும் நோக்கில், வழக்கு பதிவு செய்து விசாரிக்க மத்திய அரசு என்.ஐ.ஏ.-க்கு உத்தரவிட்டதாகவும், அதன்படி விசாரணை தொடங்கப்பட்டுள்ளதாகவும் செய்தி கூறுகிறது.
