டில்லியில் நேற்று கைது செய்யப்பட்ட ‘கரப்பான் கட்சி’ என குறிப்பிடப்படும் அமைப்பின் 3 நிர்வாகிகளை, ஓராண்டு காலம் பொது அமைதிக்கு இடையூறு செய்யக்கூடாது என்ற நிபந்தனையுடன் நீதிமன்றம் இன்று விடுவித்தது.
தலைமை தேர்தல் கமிஷனர் ஞானேஷ் குமார் பதவி விலக வேண்டும் என வலியுறுத்தி, ஜந்தர் மந்தர் பகுதியில் போராட்டம் நடத்த அந்தக் குழுவினர் வந்த நிலையில் போலீசார் அவர்களை விரட்டியடித்ததாக தெரிவிக்கப்பட்டுள்ளது.
மும்பையிலிருந்து டில்லி நோக்கி விமானத்தில் பயணித்த கட்சித் தலைவர் அபிஜித் தீப்கே மற்றும் அவரது கூட்டாளிகள் என 3 பேரை, விமானத்திலேயே டில்லி போலீசார் கைது செய்ததாக செய்தி கூறுகிறது. தலைநகரில் பாதுகாப்புக்காக 25,000 போலீசார் பணியில் ஈடுபடுத்தப்பட்டனர்.
மேலும் ஜந்தர் மந்தர் நோக்கி வந்த 5,000க்கும் மேற்பட்டோரை போலீசார் வளைத்து பிடித்து தடுப்பு காவலில் வைத்ததால் போராட்டம் பிசுபிசுத்ததாக குறிப்பிடப்பட்டுள்ளது. கைது செய்யப்பட்ட 3 பேரும் இன்று நீதிமன்றத்தில் ஆஜர்படுத்தப்பட்ட பின்னர், நிபந்தனையுடன் விடுவிக்கப்பட்டனர்.
