டில்லியில் போராட்டம் நடந்த பகுதியில் கன்னாட் பிளேஸில் பதிவான ஒரு வீடியோ சமூக வலைதளங்களில் வேகமாக வைரலாகி வருகிறது.
‘சோட்டா சேட்டன்’ என்ற பெயரில் பிரபலமான யூ டியூபர் நிகில் வர்மா, போராட்டத்தில் கலந்து கொண்டு வீடியோ கன்டென்ட் எடுக்க வந்ததாக கூறப்படுகிறது. அங்கு போலீசார் தடுக்க முயன்றதை பார்த்ததும் அவர் ஓட்டம் பிடித்தார்.
அதனைத் தொடர்ந்து சிறப்பு அதிரடிப்படை காவலர் ஒருவர் துரத்திச் சென்று அவரை பிடித்தார். வைரலாகும் காட்சிகளில், அந்த காவலர் நிகிலை குழந்தையைப் போல தூக்கிச் சுமந்து கொண்டு செல்லும் விதம் கவனம் பெற்றுள்ளது.
வீடியோவில் நிகில் சிரித்துக்கொண்டே ‘கடைசியாக போலீசார் என்னைப் பிடித்து விட்டனர்’ என்று கூறுகிறார். அவரை தூக்கிச் செல்லும் காவலர் ‘நீ ரொம்ப பிரபலமாகி வருகிறாயா?’ என்று கேட்பதும் கேட்கிறது; பின்னர் நிகில், போலீசார் தன்னை அன்பாகவே கையாள்ந்ததாக செய்தியாளர்களிடம் தெரிவித்தார்.
