கோவையில் ‘பெரியார் அறிவுலகம்’ திறப்பு; பதிவேட்டில் ‘அதிகம் அறிந்துகொள்; அச்சம் குறையும்’ என முதல்வர் விஜய்

கோவை காந்திபுரத்தில் ரூ.301.71 கோடி செலவில் தரைத்தளம் மற்றும் ஏழு தளங்களுடன் ‘பெரியார் அறிவுலகம்’ என்ற நூலகம் மற்றும் அறிவியல் மையம் கட்டப்பட்டுள்ளது. இதைத் திறந்து வைக்க முதல்வர் விஜய் சென்னையிலிருந்து விமானத்தில் கோவை வந்தார்.

போலீஸ் மரியாதையை ஏற்ற பின்னர், அவர் பெரியார் சிலையை திறந்து வைத்தார். தொடர்ந்து முதல் தளத்தில் கல்வெட்டையும் திறந்து வைத்து, அறிவியல் சாதனங்கள் அமைந்துள்ள பகுதிகளைச் சுற்றிப் பார்த்தார்.

அங்கு அரசு பள்ளி மாணவியர் அறிவியல் சாதனங்களின் செயல்பாடுகளை விளக்கினர். முதல்வர் ஒவ்வொரு அமைப்பைப் பற்றியும் கேட்டறிந்தார்.

குழந்தைகள் பிரிவில் குழந்தைகளுடன் அமர்ந்து தன்னை விஜய் என அறிமுகப்படுத்தி, அவர்களின் பெயர்களையும் கேட்டார். மற்றொரு அறையில் ரோபோ வணக்கம் சொன்னபோது, அவரும் பதிலாக வணக்கம் தெரிவித்தார். பின்னர் பதிவேட்டில் 16.10.2026 என தேதி குறிப்பிட்டு, “C. Joseph Vijay” என்று ஆங்கிலத்தில் கையெழுத்திட்டு, “Know more; fear less” என்ற வாசகத்தையும் பதிவு செய்தார்.