வாஷிங்டன்: நிரந்த தொழிலாளர் சான்றிதழ் திட்டத்தில் இருந்து மைக்ரோசாப்ட், ஹெச்சிஎல், டிசிஎஸ் உள்ளிட்ட இந்திய நிறுவனங்களை அமெரிக்கா நீக்கியுள்ளது. இதனால், அந்த நிறுவனங்களில் பணியாற்றும் தகுதியான ஊழியர்களின் கிரீன் கார்டு நடைமுறையில் தாக்கம் ஏற்படும் அபாயம் இருப்பதாக கூறப்படுகிறது.
இதற்கிடையில், அமெரிக்காவின் எச்1பி விசாவில் பணிபுரிபவர்களை துணை அதிபர் ஜேடி வான்ஸ் “வெளிநாட்டு ஒப்பந்த அடிமைகள்” என்று குறிப்பிட்டிருந்தார். இந்த கருத்துக்கு இந்தியா கடும் எதிர்ப்பு தெரிவித்தது.
இந்த நிலையில், தனது பேச்சுக்கு ஜேடி வான்ஸ் வருத்தம் தெரிவித்துள்ளார். தனது மனைவி மற்றும் அவரது குடும்பத்தினர் தென்னிந்தியாவைச் சேர்ந்தவர்கள் என்றும், வெளிநாடுகளில் இருந்து வருபவர்களை அமெரிக்கா வரவேற்கிறது என்றும் அவர் கூறினார்.
அதே நேரத்தில், வேலைவாய்ப்பில் வெளிநாட்டு ஊழியர்களுக்கும் அமெரிக்கர்களுக்கும் சமநிலை இருக்க வேண்டும் என்றார். குறைந்த ஊதியத்தில் வெளிநாட்டு ஊழியர்களை நியமிக்க அமெரிக்கர்களை பணிநீக்கம் செய்வதை ஏற்க முடியாது என்றும், அத்தகைய செயலில் ஈடுபடும் நிறுவனங்களை குறித்தே தாம் அந்த வகையில் பேசியதாகவும் விளக்கினார்.
அமெரிக்க குடிமக்களின் நலன்களையும் வெளிநாட்டு ஊழியர்களின் பங்களிப்பையும் சமநிலைப்படுத்துவதில் அமெரிக்கா கவனம் செலுத்தி வருவதாகவும் அவர் தெரிவித்தார்.
