பஞ்சாப் மற்றும் ஒட்டுமொத்த இந்தியாவும் போதைப்பொருள் அச்சுறுத்தலில் இருந்து முழுமையாக விடுபடுவதை மத்திய அரசு உறுதி செய்யும் என மத்திய உள்துறை அமைச்சர் அமித்ஷா தெரிவித்துள்ளார். பஞ்சாபில் நடந்த சமீபத்திய கொலைச் சம்பவங்களை குறிப்பிட்டு அவர் இந்த கருத்தை வெளியிட்டுள்ளார்.
மான்சா பகுதியைச் சேர்ந்த பர்விந்தர் சிங் ஜோட்டா, குல்சார் சிங், பிக்ரம்ஜித் சிங் ஆகியோர் போதைப்பொருள் விற்பனை மற்றும் செயற்கை போதைப்பொருள் கடத்தலுக்கு எதிராக குரல் கொடுத்த நிலையில் கொல்லப்பட்டதாக செய்தியில் தெரிவிக்கப்பட்டுள்ளது. இவர்களது குடும்பத்தினரை அக்டோபர் 20 அன்று சந்தித்து பேச உள்ளதாக அமித்ஷா கூறினார்.
தன் பதிவில், பஞ்சாபை போதைப்பொருள் பயன்பாட்டின் பாதாளத்தில் தள்ளுவதற்கு ஆம் ஆத்மி கட்சி அரசு எந்த முயற்சியையும் விட்டுவைக்கவில்லை என அவர் குற்றம்சாட்டினார். பல குடும்பங்கள் தங்கள் பிள்ளைகளை இழந்துள்ளதாகவும் அவர் குறிப்பிட்டார்.
போதைப்பொருள் வணிகத்திற்கு எதிராக பேசுபவர்களை மவுனப்படுத்தும் முயற்சிகள் வெற்றி பெறாது என்றும், மக்கள் தக்க பதிலடி கொடுப்பார்கள் என்றும் அவர் தெரிவித்தார். போதைப்பொருள் கடத்தல்காரர்களை தேடிப் பிடித்து சிறையில் அடைப்போம் எனவும் அமித்ஷா கூறினார்.
