தமிழ்நாட்டில் கோயில் நிலம் தொடர்பான ஒரு விவகாரம், அரசுக்கு செய்யப்பட்ட தானத்தை எதிர்த்து தொடரப்பட்ட மனுவைத் தொடர்ந்து உச்சநீதிமன்றம் வரை சென்றுள்ளது.
ஈரோடு மாவட்டம் கொடுமுடி அருகே உள்ள நாகபாளையம் மாரியம்மன்–பொன்னாச்சியம்மன் கோயிலுக்குச் சொந்தமான சுமார் 1 ஏக்கர் 10 சென்ட் நிலம், 2019ஆம் ஆண்டு தற்காலிக அறங்காவலர் ஒருவரால் அரசுக்கு தானமாக வழங்கப்பட்டதாக தெரிவிக்கப்பட்டுள்ளது.
அந்த தானத்தின் பின்னர், அந்த இடத்தில் தாலுகா அலுவலகம் கட்டப்பட்டதாகவும் கூறப்படுகிறது. இதை எதிர்த்து உச்சநீதிமன்றத்தில் வழக்கு தொடரப்பட்டது.
கோயில் நிலத்தை தானமாக வழங்கிய நடவடிக்கையின் சட்டபூர்வத்தன்மை மற்றும் அதன் பின்னர் அரசு கட்டிடம் அமைக்கப்பட்ட விதம் ஆகியவை இந்த வழக்கின் மையமாக உள்ளன.
