ஐநா விமர்சனமும் ரூபியோவிடம் எழுந்த கேள்வியும்
டில்லியில் தலைமை தேர்தல் கமிஷனர் ஞானேஷ்குமாருக்கு எதிராக சிஜேபி இயக்கத்தினர் நடத்திய போராட்டத்தில் போலீசார் எடுத்த நடவடிக்கையை ஐநா விமர்சித்ததாக தெரிவிக்கப்பட்டது.
“இந்தியாவின் உள்நாட்டு அரசியல்”
இந்தியா வந்துள்ள அமெரிக்க வெளியுறவு அமைச்சர் மார்கோ ரூபியோவிடம் இதுகுறித்து நிருபர்கள் கேள்வி எழுப்பினர். அதற்கு, இது இந்தியாவின் உள்நாட்டு அரசியல் விவகாரம் என்றும், இந்திய அரசியலில் தாம் தலையிட மாட்டேன் என்றும் அவர் பதிலளித்தார்.
ஜனநாயகமும் தேர்தல் நடைமுறையும்
இந்தியாவில் ஜனநாயகம் உள்ளது, தேர்தல்கள் நடைபெறுகின்றன என்பதையும் ரூபியோ குறிப்பிட்டார். அமெரிக்காவிலும் தினசரி போராட்டங்கள் நடைபெறுகின்றன என்றும் அவர் கூறினார்.
வெளிநாடுகளில் கலவரம் குறித்து கருத்து சொல்லமாட்டேன்
ஐரோப்பாவில் நடைபெறும் கலவரங்கள் குறித்து தாம் பேசுவதில்லை என்றும், அங்கு பொருட்கள் சேதப்படுத்தப்படுவதும் கட்டடங்கள் எரிக்கப்படுவதும் நடக்கிறது என்றும் அவர் குறிப்பிட்டார். போராட்டம் உள்ளிட்ட பல வழிகளில் மக்கள் தங்களை வெளிப்படுத்துவது, அந்த நாட்டில் அரசியல் விவாதமும் கருத்து வேறுபாடுகளும் இருப்பதற்கான எடுத்துக்காட்டாகும் என்றும் ரூபியோ தெரிவித்தார்.
