புதுடில்லி: டில்லியில் எதிர்க்கட்சிகளின் போராட்டங்கள் தொடரும் நிலையில், காங்கிரஸ் தலைவர் மற்றும் லோக்சபா எதிர்க்கட்சித் தலைவர் ராகுல் காந்தியின் வியட்நாம் பயணத்தை முன்வைத்து பாஜ லோக்சபா எம்பி நிஷிகாந்த் துபே கடுமையாக விமர்சித்தார்.
ராகுல் “தேச விரோத சக்திகளுடன்” தொடர்பு வைத்துள்ளதாகவும், மக்களின் உணர்வுகளைத் தூண்டி தவறாக வழிநடத்துவதாகவும் துபே குற்றம்சாட்டினார். மேலும், நாட்டின் ஜனநாயக அமைப்புகளுக்கு எதிராக செயல்பட அமெரிக்காவில் உள்ள சில “தீய சக்திகளுடன்” இணைந்து செயற்படுகிறார் என்றும் அவர் கூறினார்.
கடந்த 10 ஆண்டுகளில் ராகுல் 270 முறை வெளிநாடுகளுக்கு சென்றுள்ளதாக குறிப்பிட்ட துபே, அவர் ஏன் வியட்நாமுக்கு சென்றார், அங்கு யாரை சந்தித்தார் என்று கேள்வி எழுப்பினார்.
“ஜென்சி” என்ற போர்வையில், நாட்டின் ஒற்றுமை மற்றும் ஒருமைப்பாட்டை சீர்குலைத்து அரசை மாற்றுவதற்காக காங்கிரஸ் கட்சி தேச விரோத வெளிநாட்டு சக்திகளுடன் சதி செய்கிறது என்றும் துபே குற்றம்சாட்டினார்.
