புதுடில்லி: தமிழக முதல்வர் விஜய் சமீபத்தில் பாஜக உயர்மட்ட தலைவர்களிடம் காட்டிய நட்பு சைகைகள் குறித்து கூட்டணியில் உள்ள காங்கிரஸ் தரப்பில் அதிருப்தி ஏற்பட்டுள்ளதாக தகவல் வெளியாகியுள்ளது.
உள்துறை அமைச்சர் அமித் ஷா 62வது பிறந்த நாளை கொண்டாடியபோது, ஜனாதிபதி, பிரதமர் உள்ளிட்ட பலரும் வாழ்த்து தெரிவித்தனர். பாஜக தலைவர்களுக்கு அடுத்ததாக முதல்வர் விஜய் விரைவாக வாழ்த்து தெரிவித்ததாகவும், இதனால் கூட்டணியில் உள்ள காங்கிரஸாருக்கு வருத்தம் ஏற்பட்டதாகவும் கூறப்படுகிறது.
இதன் தொடர்ச்சியாக, விஜய் பாஜக அல்லது ஆர்.எஸ்.எஸ். பக்கம் நெருங்குகிறாரா என்ற சந்தேகம் காங்கிரஸ் வட்டாரங்களில் எழுந்துள்ளதாக தெரிவிக்கப்படுகிறது. பிரதமர் மோடி சென்னை வந்தபோது, விமான நிலையத்தில் வரவேற்றதுடன், சுமார் ஒரு மணி நேரம் காத்திருந்து வழியனுப்பி வைத்ததாகவும் அந்த செய்தி குறிப்பிடுகிறது.
அந்த சந்திப்புக்குப் பிறகு பிரதமர் மகிழ்ச்சி தெரிவித்ததுடன், தமிழக அரசுடன் இணைந்து வளர்ச்சிக்காக அனைத்து உதவிகளையும் செய்யத் தயாராக இருப்பதாக உறுதியளித்ததாக கூறப்படுகிறது. மேலும், முதல்வர் அல்லது அவரது கட்சி பாஜகவை அதிகமாக விமர்சிப்பதில்லை என்பதே டெல்லி காங்கிரஸ் தலைவர்களின் சந்தேகத்தை அதிகரித்ததாகவும் தகவல் தெரிவிக்கிறது.
