பாஜ தேசிய தலைவர் நிதின் நபின், பிரதமர் நரேந்திர மோடி மற்றும் அவரது குடும்பத்தை குறிவைத்து காங்கிரஸ் தலைவர்கள் தொடர்ந்து கண்ணியமற்ற கருத்துகளை வெளியிடுவதாக கடுமையாக விமர்சித்தார்.
டில்லியில் செய்தியாளர்களிடம் பேசிய அவர், இத்தகைய தனிப்பட்ட தாக்குதல்கள் காங்கிரஸ் கட்சியின் ஒரு அரசியல் பழக்கமாக மாறிவிட்டதாக கூறினார். இது கட்சிக்குள் நிலவும் விரக்தி மற்றும் நம்பிக்கையற்ற நிலையை வெளிப்படுத்துகிறது என்றும் அவர் தெரிவித்தார்.
பிரதமரை அவமதிப்பதை நாட்டு மக்கள் ஒருபோதும் ஏற்க மாட்டார்கள் என வலியுறுத்திய நிதின் நபின், மோடி நாடு முழுவதும் கோடிக்கணக்கான மக்களின் ஆசீர்வாதங்களை பெற்றுள்ளார் என்றார்.
மோடியை அவமதித்தால் கடந்த காலங்களில் மக்கள் காங்கிரஸை பொறுப்புக்கூறச் செய்திருக்கிறார்கள்; எதிர்காலத்திலும் அதேபோல் செய்வார்கள் என்றும் அவர் கூறினார். மேலும், காங்கிரஸ் கட்சி “திவாலான மனநிலையிலிருந்து” செயல்படுகிறது; அது இன்று கட்சிக்குள் தெளிவாகத் தெரிகிறது என்றும் குற்றம்சாட்டினார்.
