ஜெயமோகன்: விஜய்க்கு முதல்வர் பதவி கடினமல்ல
சென்னை: நடிகர்-அரசியல்வாதி விஜய்க்கு முதல்வர் பதவி கடினமானது அல்ல என்று எழுத்தாளர் ஜெயமோகன் தெரிவித்துள்ளார். விஜயின் நிர்வாகத் திறன் மற்றும் ஒழுங்கான திட்டமிடலைக் காரணமாகக் காட்டி அவர் இந்த கருத்தை முன்வைத்துள்ளார். தன் அறிக்கையில், விஜயின் சர்க்கார் படத்திற்கு தாம் வசனம் எழுதியதாக ஜெயமோகன் குறிப்பிட்டார். அந்த படத்தில் காணப்பட்ட அரசியல் சூழல்கள் பல, பின்னர் விஜயின் அரசியல் பயணத்திலும் நடந்ததாக அவர் கூறினார். திரைத் திட்டமிடலும் பொருளியல் திட்டமிடலும் “அப்பழுக்கற்றவை” எனவும், அதே அணுகுமுறை அரசியலிலும் இருப்பதாகத் தாம் நம்புவதாகவும் தெரிவித்தார். மேலும், உடன் இருப்போரை நுணுக்கமாகப் புரிந்து கொண்டு அவர்களை தன் கட்டுப்பாட்டுக்குள் வைத்துக் கொள்வவர் விஜய் என ஜெயமோகன் விவரித்தார். விஜயை பிறர் “கையாள்வது” இயலாதது என்றும், கடந்த 20 ஆண்டுகளாக அவர் இயல்பாகவே பிறரை தன் நோக்கத்திற்கு ஏற்ப இயக்கி வருகிறார் என்றும் அவர் கூறினார்.
