மரம் சார்ந்த விவசாயம் காலத்தின் கட்டாயம்: கோவை இயற்கை விவசாயி வள்ளுவன்
மண் வளத்தை பாதுகாத்ததற்காக ஐ.நா. உணவு மற்றும் வேளாண் பிரிவின் அங்கீகாரம் பெற்ற கோவை இயற்கை விவசாயி வள்ளுவன், மரம் சார்ந்த விவசாயம் இன்றைய காலத்தின் கட்டாயம் என தெரிவித்துள்ளார். தமிழகம் உள்ளிட்ட தென்னிந்திய மாநிலங்களில் ஆண்டு முழுவதும் விவசாயம் செய்ய ஏற்ற சூரிய ஒளி, அளவான மழை மற்றும் ஆரோக்கியமான மண் போன்ற இயற்கை ஆதாரங்கள் இருப்பதாகவும் அவர் கூறினார். கோவை வடவள்ளியை சேர்ந்த வள்ளுவன், பொள்ளாச்சி அருகே வேட்டைக்காரன்புதூரில் பண்ணை நடத்தி வருகிறார். அவரது பண்ணையில் 2007-ல் 0.5% இருந்த மண்ணின் அங்கக கரிமச் சத்து தற்போது 3.36% ஆக உயர்ந்துள்ளதாகவும், இயற்கை முறைகளால் மண் உயிரியல் மேம்பட்டதாகவும் அவர் விளக்கினார்.
