பெட்ரோல், டீசல் விலை உயர்வு இல்லை: வதந்திகளை நம்ப வேண்டாம் என மத்திய அரசு
புதுடில்லி: சட்டசபை தேர்தல் கட்டம் முடிந்ததும் எரிபொருள் விலை உயரும் என்ற வதந்திகள் பரவிய நிலையில், பெட்ரோல் மற்றும் டீசல் விலையை உயர்த்த எந்தத் திட்டமும் இல்லை என்று மத்திய அரசு திட்டவட்டமாக தெரிவித்துள்ளது. ஈரான் மீது நடந்த தாக்குதலுக்குப் பிறகு சர்வதேச சந்தையில் கச்சா எண்ணெய் விலை உயர்ந்ததாகவும், இதனால் சில நாடுகள் எரிபொருள் விலையை மாற்றியமைத்ததாகவும் கூறப்படுகிறது. ஆனால் இந்தியாவில் எரிபொருள் விலையில் மாற்றம் செய்யப்படவில்லை; இதற்கிடையில் ஏப்.29 நடைபெற உள்ள மேற்கு வங்க இரண்டாம் கட்ட சட்டசபை தேர்தலை முன்னிட்டு விலை உயர்வு வதந்தி மீண்டும் பரவியது. இதன் தாக்கமாக ஆந்திரப் பிரதேசத்தின் சில பகுதிகளில் மக்கள் பீதியடைந்து பெட்ரோல் பங்குகளுக்கு வாகனங்களுடன் திரண்டதாகவும், சில நிலையங்களில் பெட்ரோல், டீசல் விற்றுத் தீர்ந்ததாகவும் தகவல்கள் வெளியாகின.
