பழநி மடம் நிலப் பத்திர மோசடி: சார்-பதிவாளர் ஜஸ்டின் மணிகண்டன் கைது
திண்டுக்கல் மாவட்டம் பழநியில், பழநி தண்டாயுதபாணி கோவிலுடன் தொடர்புடைய மடத்தின் நிலப் பத்திரப்பதிவில் மோசடி நடந்ததாக கூறப்படும் வழக்கில், சார்-பதிவாளர் ஜஸ்டின் மணிகண்டனை சிபிசிஐடி போலீசார் கைது செய்துள்ளனர். அவருக்கு வழங்கப்பட்ட முன்ஜாமின் ரத்து செய்யப்பட்ட பின்னணியில் இந்த கைது நடைபெற்றுள்ளது. வழக்கு விவரங்களின்படி, மடத்துக்குச் சொந்தமானதாக கூறப்படும் 1.40 ஏக்கர் நிலம் (சுமார் ரூ.100 கோடி மதிப்பு) சமீபத்தில் தனியார் ஒருவரின் பெயரில் பத்திரப்பதிவு செய்யப்பட்டதாக புகார் எழுந்தது. இதையடுத்து நீதிமன்றம் தலையிட்டு அந்த பத்திரத்தை ரத்து செய்துள்ளது. இந்த விவகாரத்தில் சிபிசிஐடி போலீசார் ஜஸ்டின் மணிகண்டன் சுப்பிரமணியன் மீது வழக்கு பதிவு செய்து விசாரணை நடத்தி வந்தனர். அவர் மதுரை உயர்நீதிமன்ற கிளையில் இடைக்கால முன்ஜாமின் பெற்றிருந்த நிலையில், அது நேற்று ரத்து செய்யப்பட்டது.
